Професорката Гордана Силјановска Давкова, која беше кандидат за претседател поддржана од ВМРО, на својот профил на Твитер, по повод една година од Преспанскиот договор, напиша статус со хаштагот #Никогаш Северна.
Чувајте си го вие Преспански, ние ќе си го чуваме името. Вака професорката Давкова, се обрати до владеачката партија и потсети на годишнината од потпишувањето на Преспанскиот договор.
– Една година потоа. Чувајте си го вие Преспански, ние ќе си го чуваме името. Никогаш Северна, само Македонија, напиша Давкова на својот Твитер налог.
Инаку професорката Гордана Силјановска-Давкова е родена на 11 мај 1955 во Охрид. Основно и средно образование завршила во Скопје (1973). Дипломирала на Правниот факултет во Скопје (1978), каде што и магистрирала. Докторирала пред комисија предводена од проф. Франц Град со „Cum laude“ на Правниот факултет во Љубљана, на тема „Local Selfgovernment – between Norms and Reality“ во 1994.
Била избрана за асистент по предметот политички систем на Правниот факултет во Скопје (1989), за доцент по уставно право и политички систем (1994), а потоа и за редовен професор во 2004. Била член на Уставната комисија на Собранието на РМ (1990-1992) и министер во Владата на РМ (1992-1994). Експерт за избори на ООН и потпретседател на групата Независни експерти за локална самоуправа при Советот на Европа. Член на Венецијанската комисија. Автор е на стотина научни трудови за уставното право и политичкиот систем.
На конвенцијата на ВМРО-ДПМНЕ која се одржала во Струга, Гордана Силјановска-Давкова била избрана за претседателски кандидат.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.