Поранешниот генерален секретар на СДСМ, потпретседател и актуелен министер за внатрешни работи, Оливер Спасовски, потврди дека сите 80 пратеници кои гласале за уставни измени се под полициско обезбедување 24 часа.

Направени се безбедносни проценки за пратениците кои гласаа „за“ и се додека постои опасност ќе бидат обезбедувани, информира денеска министерот за внатрешни работи Оливер Спасовски.

Закани има на фејсбук, но и на други социјални мрежи.

Нема да допуштиме такво однесување и секој кој ќе внесе страв кај граѓаните или пратениците ќе биде санкциониран. Не е сериозно да се излезе во јавноста со обвинувања дека на пратениците им биле нудени пари да гласаат „за“. – вели министерот Спасовски и го повика Јавното обвинителство да отвори истрага.

Додава и дека сите 80 пратеници кои гласа „за“ се обезбедуваат, како и дека одредена група блиска до Бојкотирам се заканува по животот на пратениците и нивните семејства.

Спасовски можеби изуми дека законодавниот дом брои 120 члена и дека токму ВМРО – ДПМНЕ први реагираа и до МВР и до Јавното обвинителство за уцени, закани и поткуп за нивни пратеници да ги поддржат уставните измени.