Специјалното јавно обвинителство влезе во Општина Аеродром.

По увидот специјалните истражители ја одзеле сета документација водена во периодот додека градоначалник бил Ивица Коневски.

Вработените на истражителите на СЈО им отстапиле деловни книги – проекти – фактури кои во картонски пакети биле изнесени од Општината. Посетата на истражителите во Аеродром била пред десетина дена.

Од СЈО не кажуваат дали подготвуваат истрага за поранешниот градоначалник Коневски. Оттаму со едноставен одговор дека доколку предметот е во предистражна постапка не можат да дадат никакви детали.

“СЈО неодамна со писмен допис се обрати до Општина Аеродром со барање за доставување документација. Општината ја достави бараната документација. За повеќе детали во врска со посочената документација ве молиме да се обратите до СЈО.” –  изјавија од одделението за односи со јавност во Општина Аеродром.

Ивица Коневски беше градоначалник на Општина Аеродром два мандата oдносно од 2009 година до 2017 година.