Вчера на пладне малолетно девојче во Скопје се здобило со тешки повреди, кога во неа удрило возило управувано од 20-годишен возач.

Повреденото девојче е пренесено во комплексот клиники „Мајка Тереза“ каде и е укажана медицинска помош.

За оваа несреќа информира Министерството за внатрешни работи во дневниот билтен.

Тешката незгодата се случила вчера попладне во 14:35 часот на крстосницата од булеварот „Јане Сандански“ и улицата „23 Октомври“ во Скопје.

Патничкото возило марка „пежо 407“ било управувано од О.С. од Скопје. Увид на местото на настанот извршила екипа од СВР Скопје.

Како што информираат од МВР, во периодот од 23 часот на 28.06.2019 до 05.00 часот на 29.06.2019 година Одделението за безбедност на патниот сообраќај при Секторот за внатрешни работи Скопје спроведе акциска контрола за откривање на возачи што управуваат со возило под дејство на алкохол.