Во тешка сообраќајна несреќа загина 18-годишно момче што се случила утринава на регионалниот пат Пробиштип-Круиште во близина на селото Бучиште.

Како што изјави портпаролот на СВР Штип, Гордана Панајотова, според првичните информации на терен, несреќата е пријавена утрово во 4:25 часот.

Тешката несреќа се случила откако возачот изгубил контрола над возилото по што излетало од коловозот.

Во автомобилот се наоѓале уште четворица сопатници на возраст од 18 и едно на возраст од 17 години кои се повредени, од кои двајца се со тешки телесни повреди.

Момчето кое го управувало автомобилот починало на самото место, а две на возраст од 17 и 18 години се прнесени во штипската клиничка болница, а две момчиња се во болницата во Пробиштип.

На местото на несреќата беше извршен е увид од страна на истражните органи.