Тамара Тодевска ја објави песната со која ќе нè претставува на Евровизија. Во Тел Авив, Тодевска ќе настапи со песната „Proud“ (Горда).

Тамара пред неколку недели објави статус на социјалните мрежи, во која наведе дека оваа песна ќе ја пее за нејзината ќерка Хана, бидејќи посакува нејзините деца да можат да живеат во свет без наметнати правила за жените.

Денеска на 8 ми Март таа ја претстави песната за Евровизија.

Во спотот ја гледаме нејзината ќерка, сестра, ракометарката Адријана Будимир, актерки, писателки и други познати фаци од јавниот живот.
Музиката ја потпишуваат Роберт Билбилов, Лазар Цветковски и Дарко Димитров. Текстот е на Коста Петров и неговата сопруга Сања Поповска, а во спотот се појавува и нивната ќерка Бела.

На прашањето зошто избрала да пее на англиски јазик, Тамара одговори: „Многу повеќе ќе нè разберат тоа што имаме да кажеме. Мислам дека имаме светска песна.“
„Ова е приказна е за секоја жена, приказна за секоја мајка, приказна за секоја баба“ – рече Тамара по премиерното прикажување на спотот.

Тодевска во 1991 за прв пат на само шест години настапува на престижниот фестивал „Mакфест“, заедно со тогаш познатите пеачки и сестри Маријана и Росана. После долго време во 1997 год заедно со сестра и Тијана го земаат второто место на “Скопскиот фестивал” со песната “Луда игра”. Во 2001 год Тамара ја започнува својата соло кариера со синглот „Дали знам” дело на Роберт Билбилов подржан од тогaш познатиот бенд Мак Џинс.
Со истата настапува на фестивалот “Сунчане Скале” во Херцег Нови во 2002 и освојува трето место.

По Дали знам во 2002 година следува уште еден сингл Месечар. Истата година ги собира сите награди како дебитант на годината. Заедно со нејзината мајка Бранка на “Охрид фест” ја освојуваат третата награда со песната Кога би можел.