Педесет и седумгодишен пешак синоќа загина во сообраќајна несреќа што се случи на булеварот „Видое Смилевски – Бато“, во скопската населба Ново Лисиче.
Како што соопшти Јавното обвинителство, несреќата се случила кога пешакот излегол на булеварот надвор од обележан пешачки премин, а при тоа на него со голема брзина налета возило „Шкода октавиа„ со германски регистарски таблици, управувано од македонска државјанка.
Од силниот удар пешакот починал на самото место на несреќата.
Заедно со екипи на Министерството за внатрешни работи и претставници на Институтот за судска медицина, криминалистика и медицинска деонтологија синоќа извршија увид на местото на несреќата.
Телото на педесет и седум годишниот пешак е предадено на обдукција, а ќе се испитува дали во крвта и урината на возачот на автомобилот имало присуство на алкохол.
Две тешко и осум лесно повредени лица е билансот од вкупно евидентираните девет сообраќајни несреќи што се случиле во Скопје, во изминатото деноноќие.
Како што информира СВР, со поголема брзина од дозволената се движеле 43 возила, под дејство на алкохол возеле осум, а со истечена дозвола биле 16.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.