Радосна вест објави денеска Министерот за здравско Венко Филипче на својот официјален Фејсбук профил. Имено министерот информираше за уште еден мал борец кој успеа да го победи карциномот.

Станува збор за една млада пациентка која го победи карциномот во текот на лекувањето на Детската клиника.

„Една кротка убавица, покажа дека е лавица! Браво на храброста драга наша Бојана, те чекаме со уште поголеми животни успеси, ти можеш сѐ што сакаш само посакај!“, велат од Клиниката за детски болести.

Бојана е едно од оние деца на Детската Клиника кои успеаа да се изборат и да го победат карциномот.

„И посакувам секогаш да е насмеана, здрава, среќна. Благодарност до установата, која повторно ги враќа насмевките на нашите најмили и нивните родители!“, напиша министерот за здравство Венко Филипче.

Инаку секое детенце кое си заминува од Детската Клиника, победнички ѕвони на ѕвончето за да ја соопшти убавата вест.