Вицепремиерот Бујар Османи објави фотографии на Фејсбук дека Македонија е НАТО со фотографии од вежбата „Одлучен удар“. Со фотографиите му се придружи и министерката за Одбрана Радмила Шеќеринска.

Скоро комплетна Влада на чело со премиерот Заев, денеска присуствува во Криволак на вежбите „Одлучен удар„

Вицепремиерот Бујар Османи се пофали на Фејсбук дека Македонија е НАТО, со фотографии од вежбата „Одлучен удар“

Вицепремиерите и министрите Османи и Радмила Шеќеринска, Оливер Спасовски, Драган Тевдовски и заменик министерот Андреј Жерновски заедно со премиерот Зоран Заев од хеликоптер со фотографии порачаа дека „Обезбедувајќи безбедност и сигурност, создаваме услови за стабилен економски развој, просперитет и поквалитетен животен стандард.

Исто така Министерката за Одбрана на Република Македонија напиша на социјалните мрежи дека сега Македонија е рамо до рамо со колегите од САД, Литванија, Црна Гора, Албанија и Бугарија.

Одиме на Криволак, да ја погледнеме соработката на Армијата со сојузниците на дело!

„Одлучен удар” – нашата Армија, рамо до рамо со колегите од САД, Литванија, Црна Гора, Албанија и Бугарија.

Одлучен удар“ е најголемата вежба што досега се одржала во нашата земја. На неа, покрај македонската и американската армија, кои учествуваат со по 1.300 војници, застапени се и армиите на Црна Гора со 75, Литванија со 10 и Бугарија и Албанија со по 25 војници.
Целта на вежбата е да се обезбеди зголемување на нивото на интероперативност, зголемување на интеракцијата помеѓу сите учесници и оспособеност за заедничко функционирање на сите елементи во некоја идна заедничка операција.