Голема семејна трагедија се случи утринава во Кочани, сеемјната расправија се претвори во убиство. Сопругот ја нападнал својата сопруга и таа во самоодрбана успеала смртно да го повреди. Сведок на убиството бил и нејзиниот син. Информацијата за убиството ја потврди и полицијата.

Како што информираат од СВР Штип утрово околу 05:20 часот во полициска станица во Кочани од 30 годишник било пријавено дека во нивната семејна куќа на улицата ,,Климент Охридски” во Кочани неговиот 55- годишен татко ја нападнал неговата мајка која била на возраст од 46 години.

Повредената со тешки телесни повреди била веднаш пренесена во болницата во Кочани. Откако на терен излегле полициски екипи го пронашле безживотното тело на 55 годишникот со убодна рана во пределот на градите.

Во моментов во тек е увид на местото на настанот кој го вршат јавен обвинител и екипа од полициската станица од Кочани. Истражните органи не откриваат кој го извршил убиството, дали мајката или синот.

Неофицијалните информации, кои не се потврдени од полицијата се дека во обидот да се одбрани сопругата го усмртила нејзиниот маж.

Според информациите на Сител, жената со тешки телесни повреди и голем број исекотини во моментов е во штипската клиничка болница.

Полицијата го расветлува случајот и ќе превземе соодветни мерки.

Ова не е прв случај во Македонија при семејна расправија да резултира со убиство.  Полицијата ги превзема соодветните мерки