Јетон Шаќири ќе биде министер за информатичко општество и администрација, предложен од Демократската унија за интеграција (ДУИ), информира весникот Коха.

Тој е професор на Меѓународниот универзитет во Струга и беше директор на Водовод и канализација од Струга, некогашна Проаква.

Лидерите на СДСМ и ДУИ договорија продолжување на коалициската соработка и во следните четири години.

ДУИ ќе добие премиер во последните 100 дена од владата, а дотогаш владата ќе ја предводи Зоран Заев.

Согласни сме за неселективна и длабинска борба со криминалот и корупцијата, на сите нивоа. Согласни сме да се спроведе прочистување на правосудството и проверка на капиталот кај секој функционер по пат на систем кој заеднички ќе биде договорен и ќе ги земе во предвид најдобрите европски практики. Постои согласност да се зголеми отчетноста на сите нивоа на власта и да се намалат привилегиите на функционерите. Постои согласност за заштита на животната средина да биде еден од врвните приоритети. Борбата со коронавирусот да биде врвен приоритет преку темелен и транспарентен пристап“, рече Заев.

Фатмир Бесими е новиот министер за финансии, Бујар Османи е шеф на дипломатијата а Артан Груби е прв вицепремиер и министер за политички систем.

Крешник Бектеши останува во економија како и Насер Нуредини кој ќе продолжи да го води министерството за животна средина.