Како што дознава DOSIE.MK кои се дел од истрагата, Пино бил намамен од девојката од скопската населба Ѓорче Петров, Анѓела и вечерта кога исчезнал бил со неа. Во интерес на полициската истрага не се откриваат премногу детали околу нивната средба.

Мајката на Пино од декември минатата година, неколку пати организираше протести пред Собранието, а нејзиниот син го бараше и Интерпол.

Пинета Секондо, беше исчезнат од 11.12.2018 година, а беше пријавен од страна на неговата мајка, во ПС при СВР Скопје. На 29.04.2019 година во Единицата за известување и команда во Скопје од страна на непознат граѓанин, беше пријавено е дека на место викано Башинец во атарот на с.Љуботен пронајден е човечки скелет покриен со камења.

Осомничени се две лица, а во домот на првопријавениот пронајдени се СИМ картици, лични документи, мобилен телефон, УСБ, мемориска картица, една фантомка и возило Опел Аскона. По Ф.А. распишан е централен распис од полицијата. На 30.05.2019 година второпријавената А.Ѓ. е лишена од слобода во просториите на СВР Скопје, се вели во соопштението на Министерството за Внатрешни Работи.

Но она што детално ја води истрагата до Арачиново е чудниот пат на движење на убиениот Пино.

Како што брифираат извори од досие.мк, наводно Пино бил и до Тетово за што има доказ од камера на патарина со која е снимена неговата бела шкода. Потоа се враќа но не влегува во Скопје туку преку обиколница оди кон Арачиново.

Некаде кај Стајковци во Скопје, му исчезнува секаква трага. Тука се губи и сигналот од неговиот мобилен телефон.
Осомничениот за убиството е од Арачиново.

Девојката според првичната информација од обвинителството е замешана во мамката во која влегол Пино. Ангела е ќерка на возач, дете на разделени родители и проблематична девојка заглавена во многу незгодни друштва и пороци.

На нејзиниот профил до скоро имаше поставено и главна слика на која има девојка и момче со пиштол и крв.

Ангела била исто така на полиграф но го поминала.
Истрагата допрва ќе го открива мотивот за убиството.

Медиумите кои вчера беа на местото каде е пронајдено телото на Пино пренесуваат дека бил најден череп со дупка и растргнат скелет. 

Дождовите направиле големо влечиште ,а најверојатно делови биле растргнати од животни. Со ДНК анализа е потврден идентитетот на момчето.
Пинета Секондо е убиен со куршум од пушка во глава и фрлен во дупка , а телото покриено со кебе и камења, вест која ја шокираше македонската јавност, пишува досие.мк.