Албанскиот претседател Илир Мета на церемонијата во Венеција ја доби наградата „Златен лав“.

Наградата на Албанскиот претседател му беше доделена од локалната власт на Венеција. Тој изјави дека оваа награда е посветена и на сите умерени лидери од регионот, кои, благодарение на својата зрелост и дијалог, ги доближија балканските земји поблиску до Европа.

Претседателот Мета во својот говор изјави дека наградата е симбол на единственото пријателство меѓу Албанија и Италија.

„Оваа награда е посветена пред сѐ на граѓаните на Албанија, особено на Албанците во Италија и нивните семејства. Ова е награда за илјадници Италијанци кои долго време живееле и работеле во Албанија.

Оваа награда е симбол на пријателството меѓу Италија и Албанија, што е единствено и неразделно“, изјави претседателот на Албанија.

Илир Мета е роден на 24 март 1969 година во Скрапар, Албанија. Основно и средно училиште и факултет завршил во Тирана. Тој зборува албански, англиски и италијански јазик. Тој е бекташки муслиман. Оженет е за Моника Крјемада од октомври 1998 година. Заедно имаат две ќерки: Бор и Ер, и еден син: Бесара.