Вицепремиерот задолжен за економски прашања Кочо Анѓушев, во интервју за Сител рече дека одобрението за кредитот од Ексим банка го добиле пред два дена. Недостиг на финансиски средства бил главна причина за застојот на изградбата на патот Кичево-Охрид, кој траел четири години.

Анѓушев во интервју за Сител рече дека фокусот е за период не подолг од една година половина патот Кичево Охрид, да биде пуштен во употреба.

-За Кичево-Охрид имаше застој не поради неорганизираност или технички проблеми, туку поради недостиг на финансиски средтва. Кредитот со Ексим банка беше истечен на 19 јануари и практично немаше финансиски средства за да се продолжи со работа. Аплициравме во ноември, но одобрението од Ексим до добивме пред два дена и сега ќе се интезивираат работите на патот Кичево-Охрид, особено во делот од Врбјани до Охрид. Ќе гледаме половина од тој пат, кој е со должина од 60-тина километри, односно околу 30 километри да биде пуштен што е можно најбрзо, во период не подолг од една година, истакна Анѓушев.

Анѓушев нагласи дека патот Миладиновци-Штип се гради четири и пол години. Во првите две биле изградени околу 55 отсто потоа за една и пол година беа изградени 45 отсто и тој е пуштен за употреба.

Според најавите, автопатот од Охрид до Кичево, требаше да биде готов за 45 месеци.

Вкупната должина на автопатот изнесува 56,7 километри. Ќе имаше две ленти по 3,75 метри во правец, лента за застанување од 2,5 метри, како и рабни летни и банкини по целата должина.

Помеѓу двата коловоза со разделен појас во должина од 3 метри. Автопатот ќе има 6 натпатници, 13 потпатници, 22 мостови – вијадукти, 7 армирано бетонски мостови, како и тунел под планинскиот превој Пресека со две цевки за двата правци во должина од 1990 метри.