На денешната свечената седница по повод ратификацијата на Протоколот за членство на земјата во НАТО, лидерот на ДУИ, Али Ахмети им се обрати на пратениците при тоа велејќи дека ова е историски ден за Северна Македонија.

На овој ден вреди да се потсетиме и да ги спомнеме сите припадници на НАТО, кои го дадоа животот за слободната која отсуствуваше во различни простори, за отсутната демократија, за мирот и стабилноста што беа оспорувани. Јас сум горд што веќе 20 години ниту еднаш не ја изгубив вербата, ниту еднаш не го изгубив трпението, туку верував во големите пријатели, во големите сојузници и  државите кој го водеа овој толку силен  и мирен сојуз ширум светот, рече Ахмети.

Ахмети рече дека иако мала нашата земја денеска стана 30-та членка на НАТО.

Имавме многу разлики, дебати и несогласувања со најдобра намера за да се кажат работите отворено, но сум многу благодарен што за две прашања немало разлики – членството во НАТО и во Европската Унија. – Овие два моментите биле тие што секогаш не држеле заедно сите нас, рече Али Ахмети.