Богдановиќ: Ќе го отстрануваме проектот „Скопје2014″ дел по дел

Богдановиќ истакна дека на планот се работи повеќе од една година, а сите работи што се преземени се направени точно и прецизно без да се направи каква било штета.

Фото/Текст извор: ©Магазин.мк

Денеска на презентацијата за предложениот ДУП, што се одржува во Општина Центар, градоначалникот Саша Богдановиќ го презентираше планот за Мал Ринг и посочи дека тоа не е нешто што го прават за да протуркаат нешто, туку да отстрануваат дел по дел од проектот „Скопје 2014″.

Скопје 2014 е проект со кој беа предвидени изградба на споменици на историски личности од мермер и бронза, фонтани, скулптури и нови згради на институции за централното градско подрачје.

Мора да одиме чекор по чекор, рече градоначалникот на Општина Центар, Саша Богдановиќ.

Во сите постапки клучна работа беше да го вратиме во управување државното неизградено земјиште особено за делот во Малиот ринг односно поврзано со т.н проект Скопје 2014. Во изминатиот период се изнаслушав дека сакаме да легализираме делови од Скопје 2014. Со новиот предлог план се прави спротивното, почнвнува да се стопира и да се брише се она што било зацртано во тогашнио проект Скопје 2014, рече Богдановиќ.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.