Бугарскиот премиер Бојко Бориосв, на вчерашниот Самит во Солун каде присуствуваше и премиерот Заев, јасно истакна дека е загрижен бидејќи во Македонија не постои политички консензус за прогресот кон Европската унија, истакнувајќи дека го плаши внатрешната поделба по ова прашање.

– Тоа што ме тревожи е поделбата на општеството во Република Северна Македонија по темата „Европска Унија“. Една држава треба да има многу јасна визија кај сите партии, од целата политичка елита, дека тоа е долг и макотрпен пат, рече Борисов во дел од својот говор.

Борисов во своето обраќање истакна поддршка и изјави дека ќе продолжи да му помага на македонскиот премиер Зоран Заев по таа насока и дека Македонија и Албанија треба да имаа огромна и јасна посветеност кон целта.
На Самитот во Солун, покрај Борисов и Заев, присуствуваше и грчкиот премиер Киријакос Мицотакис каде претседателот на владата на Грција се осврна на трите грчки насоки во однос на Балканот и Југоисточна Европа: зајакнување на билатералните односи со сите земји од регионот; цврста поддршка на европската перспектива и промоција на поврзувањето во транспортот, инфраструктурата, енергетиката и дигиталната економија, а паралелно откри дека шефот на грчката дипломатија подготвува инцијатива за Скопје и Тирана, јави дописничката на МИА од Атина.