Британскиот премиер Борис Џонсон и неговата девојка Кери Симондс станаа родители на момче.

Кери Симондс, се породи во лондонската болница, а до неодамна се сомневаше дека има корона вирус и беше во самоизолација.

„Премиерот им се заблагодарува на сите вработени во здравствениот дом“, рече портпаролот на Џонсон, пренесува британски Телеграф.

Џонсон (55) и неговата девојка Симондс (32) во март објавија дека ќе постанат родители.

Веста за пристигнувањето на принцот во домот на премиерот доаѓа само неколку дена откако Џонсон се опорави од коронавирусот.

Според британскиот портал, Џонсон претходно објавил дека може да земе породилно отсуство за татковците.

Џонсон и неговата поранешна сопруга Вилер, која е адвокат, неодамна се разведоа. Тие се венчаа во 1993 година и имаат четири деца.
Тие во септември 2018 година објавија дека планираат да се разведат.