Првоосомничениот во случајот Рекет, Боки 13 откако на минатото рочиште во вторникот истакна дека ќе пропее кој всушност е вмешан во случајот денеска ја шокираше јавноста со своето тврдење дека  всушност министерката за одбрана Радмила Шеќеринска и министерот за здравство Венко Филипче се двајца владини функционери кои биле редони гости кај Боки 13 дома.

Според ова би се претпоставило дека и таа е вмешана во овој случај, но според исказот на сведокот Орце Камчев министерката не била таква. Камчев се обиде да ја оправда Радмила Шеќеринска и во судот рече дека “таа не е таква”. Камчев сведочеше дека Шеќеринска не била дел од системот за рекетирање, но сепак се отвара прашањето, зошто кога постојано го посетувала домот на Боки и имала состаноци со Катица Јанева а воедно и имала информација дека го рекетираат Орце Камчев, истото сознание не го дала до јавното обвинителство и не го пријавила делото.

Интересна е и информацијата дека Министерот за здравство Венко Филипче имал средба со Орце Камчев и тоа во домот на првоосомничениот за случајот Боки.

Како што наведе во судницата Боки 13, министерот Филипче во март годинава на Камчев му нудел бизниси кои Камчев ги одбил.

Камчев немал намера да влегува во сомнителни активности предожени од Боки 13 и Филипче.

Сепак од ова може да се заклучи дека всушност Боки 13 и Венко Филипче блиско соработувале во кримогени активности. 

Според она што денеска можеше да го слушнеме во судот, Боки 13 има намера да ги открие сите инволвирани во овој случај. Тој уште минатото рочиште најави дека има други учесници кои се дел од власта или дел од СЈО со кои соработувал.