Полицијата вечерва го обезбеди Филип Секуловски Кобра, убиецот на младиот фудбалер Мартин Јанушев кој е во бегство речиси две години, дознава Сител.

Секуловски, кој беше баран со потерница од МВР, според извори на Сител веќе е во затворот во Шутка.

Мартин Јанушев на 3. ноември 2017 година беше застрелан пред неговиот дом во населбата Аеродром.

Претходно, полицијата го пронајде затвореникот кој денеска успеа да им побегне на затворските полицајци кои го транспортирале на преглед, потврди МВР.

Тој е пронајден околу 17:30 часот во близина на село Пресница, општина Липково.

Инаку Филип Секуловски Кобра, на 3 ноември излегол на викенд од затворот каде што издржувал казна за трговија со дрога. Неговата затворска казна требаше да заврши во јуни 2018 година. Пред убиството, Секуловски се сретнал со Раде Трајковски Штекли, исто така познато лице од скопското подземје.

Инаку Јанушев беше убиен на  28-годишна возраст. Осомничениот по два дена веднаш беше изведен пред истражниот судија, за да во октомври, истата година, обвинението станува правосилно и по четири месеци, убиецот ја доби заслужната казна.

Критичната ноќ неколку часа по ликвидацијата на Мартин, на социјалните мрежи беше посочувано лице како наводен извршител на ликвидацијата. Истиот тој беше поврзан и со фантомската агенција за обезбедување „Омерта“, но, овие наводи беа демантирани од истражните органи.