Многу брза, а уште повкусна салата која ќе ви се најде кога имате непредвидени гости.

Салата со само неколку состојки, но сепак превкусна и декоративна. Направете вкусна салата со компир, моркови и сирење. Уживајте во вкусот на оваа салата, која се спрема само за неколку минути.

Состојки:

600 гр. компир
500 гр. моркови
4-5 лажици сирење
½ шолји млеко
8 лажици кисело млеко
4 лажици семки сончоглед
3 струка млад лук
сол и магдонос

Подготовка:

Се лупи и сече компирот, се лупи и сече и морковот и се варат со сол.
Се меша во сад ронетото сирење со млеко и кисело млеко и се става магдонос, па се ставаат сварените компири и моркови.
Се става горе исечен млад лук и семки сончоглед или се украсува по избор.