Како што пренесува Локално.мк денска од Владата ја демантира изјавата на Маја, мајката на исчезнатиот Пино, дека премиерот Зоран Заев ја пријавил за вознемирување.

Мајката која повеќе од три месеци очајнички моли за помош и трага по своето исчезнато дете, вчера изјави за медиумите дека таа го контактирала премиерот Заев преку Вибер и како што вели барала помош од него за да се пронајде нејзиниот син, а тој јнаместо да помогне, ја пријавил во полиција за вознемирување.

-Контактирав, ме пријави, имам приjaва од господинот Заев, затоа што му праќав пораки на Вибер и не одговараше на моите пораки на Вибер. И господинот Заев на човекот кој плаќа даноци му праќа приjaви. Требаше да земам една копија да си ја урамам и ставам во дневна. Јас имам најубав документ, најубава пријава од господинот Заев, наместо да ми рече госпоѓо мајка сте ја сум родител, ако можам ќе ви помогнам, тој мене ме приjaвува за вознемиpyвање – кажа Трпковска.

Од Владата го негираат ваквото тврдење на Маја. 

– Не е точно дека премиерот ја пријавил Трпковска. Единствено е точно дека госпоѓата испраќала пораки, по што јавно го објавила телефонскиот број на премиерот, но не била пријавена ниту за вознемирување, ниту за било што друго, велат од Владата, пренесува Локално.мк.