Откако вчера беше суспендиран од Судскиот совет на Република Северна Македонија поранешниот судија на Кривичниот суд Владимир Панчевски,денеска следува нов шок за него. Имено судијата Панчевски на својот Фејсбук профил, објави статус во кој наведува дека утрово бил избркан од судската зграда.

Ете и тоа го дочекав, утрово избркан како партал од канцеларијата и судската зграда, судски полицаец дојде да ја заклучи канцеларијата, ни одлука сум примил, ни официјално сум известен, ниту сум известен за било која од постапките на прогон против мене, освен од медиуми.

Така функционира овој криминален систем!

Тоа е таа ”благодарност” на системот за 24 години стаж во правосудните органи од кои 11 години судиски стаж во Кривичниот суд со потврдени најдобри резултати!

Инаку Панчевски е обвинет за местење судски предмети. Против судијата Панчевски има и постапка за нестручно и несовесно вршење на судската функција, постапка која сè уште не е завршена. Против него, обвинителството поднесе и обвинение за местење предмети кај подобни судии додека бил на чело на скопска единица.

Како што објави обвинителството, наводно Панчевски судските предмети ги делел на рака на одбрани судии, заобиколувајќи го АКМИС системот за електронска распределба. Освен случаи на редовното обвинителство, Панчевски рачно делел и предмети што го водело Специјалното обвинителство.