Меѓународниот турнир „Пандев Куп 2019″ е поддржан од Фудбалската Федерација на Македонија, Агенцијата за млади и спорт како и општина Струмица и општина Дојран.

Најмладите фудбалери ќе го отворат турнирот утре, каде ќе се одржат натпревари во четири групи од по четири екипи. Овој турнир ќе заврши во недела на 24 февруари. На турнирот ќе земат учество 1.500 дечиња во пет различни категории, а на 28 февруари ќе започне и натпревар помеѓу генерациите 2006,2007 и 2008. 

Од академијата Пандев изјавуваат дека ваквиот интерес на голем број екипи од повеќе земји го потврдува и фактот дека овој Пандев Куп под водство на најдобриот фудбалер од Македонија на сите времиња Горан Пандев, ќе прерасне во традиција и го добива епитетот за најмасовен и најсилен турнир.

Во летниот период во истиот турнир ќе земат учество повозрасни категории, ќе учествуваат 96 екипи од повеќе земји. 

ФК Академија Пандев е фудбалски клуб од Струмица, Македонија, кој моментално игра во Првата македонска фудбалска лига. Своите натпревари ги игра на Стадионот Младост во Струмица. Академијата била основана од страна на македонскиот фудбалер Горан Пандев, по кого е наречена Академијата. Од 2014 година, Академија Пандев има сениорска екипа кој се натреварува во сениорските лиги. Во 2017 година, екипата била унапредена во Првата лига за прв пат во нејзината историја.