Емил Јакимовски чие име  јавноста го дозна неодамна по заканите кои ги упатуваше кон новинарките Мери Јордановска и Искра Коровешовска во моментот се наоѓа во затворот во Шутка. 

Како што објави денеска А1он. при претрес на неговата ќерија бил пронајден мобилен телефон „Хуавеи“ со СИМ картичка . 

Судијката Џанета Бегтовиќ рече дека за ова, била известена од затворот „Скопје“ во Шуто Оризари.

„Вештото лице во својот заклучок има констатирано дека обвинетиот Емил Јакимовски е способен да го следи текот на расправата. Неговата здравствена состојба се менува, затоа ќе се произнесе вешто лице за неговата моментална здравствена состојба, односно дали обвинетиот е способен да го следи текот на расправата“, констатираше судијката, пренесува А1он.

Судот добил известување и дека Јакимовски давал иструкции на неговото семејство како да се користи портал и иструкции за ставање наслови.

„Примено е и известување од КПУ затвор „Скопје“ со кое се известува судот дека за време на посетата на притвореното лице Емил Јакимовски со неговото семејство давал иструкции за користење на портал и ставање наслови на „Фејсбук“. Во прилог има и службена белешка потпишано од овластено службено лице, виш надзорник од затворот“, посочи судијката Бегтовиќ.