ВРЕМЕТО ВО СЛЕДНИТЕ ДЕНОВИ: Дожд, грмежи, засилен ветер и услови за ретка појава на град

Ќе дува слаб до умерен ветер од западен и од северозападен правец, истиот повремено ќе засилува.

Фото/Текст извор: ©Магазин.мк

Во текот на денешниот ден времето во државава ќе биде сончево со умерена локална облачност. Во попладневните часови ќе има услови за локален краткотраен пороен дожд, грмежи, засилен ветер и услови за ретка појава на град.

Ќе дува слаб до умерен ветер од западен и од северозападен правец, истиот повремено ќе засилува.

Максималните дневни температури ќе се искачуваат во интервалот од 22 до 30 степени. Во Скопје и околината времето ќе биде сончево и топло со умерена локална облачност.

Во попладневните часови ќе има услови за ретка појава на краткотраен локален дожд и ретки грмежи. Ќе дува слаб до умерен ветер од северозападен правец, максималната дневна температура се очекува да се искачи до околу 28 степени.

Потоа и во следните денови ќе продолжи нестабилното време со локална појава на пороен дожд, грмежи , засилен ветер и услови за локална појава на град, особено за време на викендот и на почетокот од следната недела. Најстабилен ден ќе биде утрешниот ден петок кога ќе има услови само за сосема ретка појава на краткотраен дожд, особено на североисток.

Подготви: Славчо Попоски

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.