Србија и помогна на Италија во борбата против корона вирусот со вкупно околу 10 милиони евра, изјави денеска претседателот на Србија, Александар Вучиќ.
Многу и помогнавме на Италија, истакна Вучиќ, додавајќи дека помошта е во вредност од 8,1 милиони евра, но со 10 организирани летови, тоа изнесува вкупно околу 10 милиони евра.
„Тоа беше голема помош, од мала земја”. “Јас го кажав тоа, а потоа сите ме нападнаа, рече Вучиќ на ТВ Панчево.
Вучиќ посочува дека за него е важно Србија добро да се справи во кризата, како и дека Србија дополнително ќе го зајакне системот на здравствена заштита, затоа што не се знае што нè чека во иднина во врска со вирусот корона.
Премиерката на Србија, Ана Брнабиќ, го поздрави отворањето на црногорската граница за српските граѓани, додавајќи дека забраната за патување за луѓето кои доаѓаат од Србија била политичка.
„Знаев дека ќе бидат исполнети условите за отворање на границата, затоа што е важно за нивниот туризам, а исто така и затоа што причината што беше поставена да не се отвораат границите за граѓаните на Србија беше политичка и немаше никаква врска со здравјето“, рече таа.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.