Вучиќ ја доби довербата на граѓаните: Победивме страшно убедливо со над 2 милиона гласа

Вучиќ кој воедно е и претседател на Српската народна странка, по победата се обрати до јавноста од штабот на партијата.

Фото/Текст извор: ©Магазин.мк

Досегашниот српски претседател Александар Вучиќ, вчера ја запечати својата иднина со уште еден мандат откако убедливо победи на изборите.

Александар Вучиќ (5 март 1970 во Белград) — српски политичар кој од 31 мај 2017 е претседател на Република Србија. Вучиќ пред ова бил министер за информирање во владата на Мирко Марјановиќ во периодот 1998–2000 како член на Српската радикална партија. Во 2008 станал член на Српската напредна партија на Томислав Николиќ, а откако Николиќ во 2012 станал претседател на Србија, Вучиќ го преземал челното место во партијата. По парламентарните избори во 2012, Вучиќ станал министер за одбрана и вицепремиер во владата на Ивица Дачиќ (2012–2014). По победата на неговата партија на парламентарните избори во 2014, Вучиќ станал премиер на Србија. На таа позиција останал до 2017, кога победил на претседателските избори и во мај стапил на местото прв човек на државата.

СНС освои над 62,5 отсто од гласовите.

-Во политиката сум долго, но ваков момент никогаш не сум доживеал. Вечерва ја добивме најголемата доверба од граѓаните во услови кога е тоа неверојатно. Добивме повеќе од 2 милиона гласа. Победивме страшно убедливо и таму каде никогаш не сме победувале. Победивме од Чикаго до Виена, Москва, со дури 57 отсто, а во Сочи со неверојатни 95 отсто – рекол Вучиќ, додека ракоплескањето од присутните не престанувало.

На изборите своето гласачко право беа во можност да го искористат 6.583.665 граѓани на 8.386 гласачки места, меѓу кои и на 140 места на Косово и во 42 амбасади на Србија.

Гласањето беше проследено со многу малку странски набљудувачи- ОДИХР и мисијата ЕНЕМО (Европска мрежа на организации за мониторинг на изборите) чии извештаи ќе бидат основа за институциите на ЕУ да ја проценат исправноста и демократијата во изборниот процес на Србија.

Официјалните резултати од изборите РИК ги објавува во Службен весник, не подоцна од 96 часа по завршувањето на гласањето.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.