Во мое лично име и во името на Општина Охрид сакам јавно да го поздравам Амбасадорот на ЕУ во Република Македонија, Самуел Жбогар, со искрени желби за уште поголеми успеси во неговиот иден ангажман и нови можности за заедничка соработка, изјави градоначалникот на град Охрид, Константин Георгиевски!

Амбасадорот Жбогар е еден најголемите пријатели на нашиот Охрид и чест ми е уште еднаш да ја искажам мојата огромна почит за неговата тековна заинтересираност за зачувување на природните и културните вредности во Охридскиот регион, рече градоначалникот!

Упатувам и неизмерна благодарност за големата поддршка која Охрид и нашата држава ја добиваат од Европската Унија во сите сфери на општественото живеење.

Водени од желбата за воведување на напредни европски стандарди и утврдување на современи принципи за развој, тој се надева дека и во иднина ќе се градат големи пријателства и ќе се има можност да создадат значајни меѓународни партнерства.

Евроамбасадорот Самуел Жбогар најави дека на крајот на септември ќе ја напушти функцијата која ја извршува и Македонија.

Тој преку социјалните мрежи објави дека во преостанатите денови секој ден ќе објавува по една слика што ќе му остане во сеќавањата.

 Возбуден сум што се враќам дома, но истовремено сум облиен со емоции за времето што го оставам зад себе. Со 30 фотографии ќе го одбројувам времето и ќе се навраќам на сеќавањата од изминатите четири години, напиша Жбогар.