Германија ќе затвори повеќето продавници од среда до 10 јануари како дел од заострувањето на рестриктивните мерки насочени кон намалување на ширењето на вирусот корона, изјави денеска германската канцеларка Ангела Меркел.
„Мора итно да се дејствува“, рече Меркел по состанокот со водачите на 16 федерални провинции, објави Ројтерс.
Според договорот, само основните продавници како супермаркети и аптеки ќе останат отворени, а исто така ќе работат и банки.
Училиштата исто така ќе бидат затворени во тој период, а од работодавците ќе се бара да затвораат деловни активности или нивните вработени да работат од дома.
Продажбата на огномет ќе биде забранета за новогодишната ноќ.
Во Германија, во сила е делумно заклучување, при што баровите и рестораните се затворени, додека продавниците и училиштата се отворени.
Некои региони веќе воведоа построги мерки затоа што бројот на новоинфицирани со вирусот корона е зголемен.
Во Германија, се регистрирани 20.200 нови случаи на коронавирус, објави Институтот Роберт Кох.
Во текот на последните 24 часа, други 321 лице почина како резултат на инфекција со корона со вирусот.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.