По два пати одложување, денеска конечно обвинителката Лиле Стефанова денеска сведочеше пред Кривичниот суд за случајот „Рекет”.

Поранешната шефица на СЈО, Катица Јанева беше исфрлена од судницата по наредба на судијката бидејќи непосредно пред крајот на сведочењето на Стефанова, таа дофрли навредливи зборови кон неа.

На излегување од судницата Стефанова на новинарите им рече: “Мачето и го возев, затоа не чинам”.

Стефанова денеска сведочеше како течела истрагата за „Империја”.

– Чудно беше како Камчев знаеше дека ќе му вршиме претрес. Истражителите дојдоа во 6 сабајле, Камчев ги дочека облечен и подготвен. Таму беше и Зоран Милески Кичеец, а подготвена чекаше и неговата сопруга Ана. Кога се вршеше претрес во „Орка Холдинг“, канцелариите веќе беа исчистени, а таму чекаа Михајло и Филимена Маневски.

Стефанова пред судот рече дека речиси секогаш обвинетите во случајот Империја, го знаеле следниот чекор на обвинителството. Таа додаде дека Камчев се обидувал да влијае преку политичари, емисари, обвинители, судии, бизнисмени.

Стефанова денеска рече дека Јанева ја принудувала да го затвори случајот „Империја“ и да се пуштат од притвор Камчев и Панделевски и уште тројца осомничени во Империја.

Претходно Стефанова во судницата на почетокот на судењето рече дека не е скарана со Катица Јанева, но дека не е во добри односи.