-Во првите месеци многу внимание се обрнуваше на миење раце, со претпоставка дека вирусот живее на предмети. Но тоа многу брзо се покажа дека е погрешна теза, а кај граѓаните остана стравот, па дома ги пребришуваат производите од продавница, ги мијат и.т.н. За да се заразите од предмет, или продукт од продавница, истиот треба да биде контаминиран со доволна количина вирус, бидејќи на овој вирус му треба количина за да зарази. Тоа би значело, врз производот пред вие да го земете, да имаат кивнато неколку луѓе еден по друг и вие веднаш потоа да го земете. Но не само тоа, туку веднаш откако ќе го фатите производот, би требало да се допрете на устата или очите, што е практично многу малку веројатно. Бидејќи, вирусот, како поминува времето, кога тој е врз некоја површина, тој слабее.Според тоа, ова миење на улици и дезинфекции се глупост. Исто така и носењето на маски на отворено е беспотребно и нонсенс. Главно ширење на вирусот е преку респираторен тракт, посочи Пановски.