Приватизациијата и продажбата на земјиштетот кај поранешниот ресторан „Имес“ во општината Карпош е предмет на истрагата поради која утрово беше приведен поранешниот градоначалник Стевчо Јакимовски. 

На таа локација кај ресторанот Имес, во близина на рекреативната зона на кејот на Вардар и булеварот Илинденска денеска веќе се изградени неколку станбени комплекси.  

„За него и двајца вработени во општината се бара притвор, додека шестмина инвеститори се повикани на разговор“, потвди за ИРЛ Македонија обвинителката Вилма Рускоска.

Ова не е прво апсење на Јакимовски. Минатото лето во август тој беше приведен по што му беа изречени мерки на претпазливост. Во таа истрага се сомничеше за злоупотреба на службената положба, а штетите по буџетот, според обвинителството, изнесуваа околу 560 илјади евра. Неколку дена по оваа пријава, Финансиската полиција поднесе нова кривична пријава која вклучи и две градежни фирми за бесправно градење. 

Според првичните сознанија, Јакимовски додека бил градоначалник, извршил легализација на земјиште со што е намалена цената на државен имот. Првичната оценка на одделот за организиран криминал е дека со злоупотреба на положбата се проневерени еден милион евра, а тоа е разликата меѓу реалната цена и продажбата преку процесот на легализација. Станува збор за земјиштето кај ресторанот Имес во Карпош 4. Покрај тоа, Јакимовски се сомничи и за злоупотреба при јавни набавки затоа што набавувал жертењери со цвеќе од фирми без банкарски гаранции, иако тоа според истрагата било во надлежност на град Скопје.

Според извори на Истражувачката репортерска лабораторија – ИРЛ Македонија во финансиската полиција кои биле директно вклучени во истрагата, Финансиската полиција ја истражувале промените во деталните урбанистички планови со цел да докажат перење пари и корупција. Под истрага биле дузина компании кои важат за угледни.