И европратеникот од Словенија, Милан Звер, “тера мајтап” со еврокомесарот за интеграции и соседски политики, Хан, откако Австриецот побара „гласно објаснување“ од унгарскиот премиер Виктор Орбан за азилот на Никола Груевски.
Звер на својот Твитер профил напиша:
Kако може премиерот Орбан да ја објасни одлуката (за азил на Н. Груевски) ако тоа е по сите основи правно прашање, а не политичко? – напиша Звер.
Со тоа словенечкиот европратеник изрази сомнеж и врз наводните заложби на Хан за владеењето на правната држава, за почитување на правото кај членките на ЕУ, додека истовремено бара од политичар, како Орбан, да му објаснува, односно да му се правда за правна одлука на надлежните органи во Унгарија.
Звер не застанува само тука, па на својот Твитер профил напиша и:
Исто така изненадува што Европската комисија не покажа интерес за злоупотреба на судството и за спроведување на законот за политички цели од страна на Владата на Заев, хаштаг – двојнистандарди. – напиша Звер.
Ова е уште обвинување кон Хан, но и вооопшто кон Европската комисија чи претседател е поранешниот долгогодишен луксембуршки премиер Жан Клод Јунке, кој своевремено беше обвинуван дека е еден од творците на т.н. даночни раеви.
Инаку, Звер е потпретседател на Демократската партија на Словенија, чиј претседател е Јанез Јанша. Тој е европратеник, а бил член на Владата на Словенија од 2004 до 2008 година.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.