Спасувачките служби и пожарникарите ги пребаруваат урнатините во Петриња создадени од уривањето на зградите по земјотресот со јачина од 6,3 степени по Рихтер.

Татко и дете беа извлечени од станбена зграда и со возило на брза помош беа пренесени во болница.

Тие се во видлив шок и покриени со прашина. Засега е непознато со какви повреди се здобиле, но ги однеле на носила.

Еден постар човек е спасен од друга трошна зграда која влегол во станот неколку минути пред земјотресот. Тој е во добра физичка состојба, пишуваат хрватските медиуми!

Улиците на Петриња се полни со урнатини.

Голем број згради се оштетени, а спасувачите трагаат по преживеани. Сите достапни противпожарни единици од Загреб се на пат кон Петриња да помогнат во акцијата за пребарување и спасување.