Откако вчера во медиумите излезедека министерката за труд и социјала Мила Царовска е можен технички премиер, кој ќе го замени премиерот во заминување Зоран Заев, денеска тој изјави дека наскоро ќе се знае составот на техничката влада кој треба да се формира на 100 дена пред избори, а како можни кандидати за технички премиер ги потврди Спасовски и Мила Царовска.

Зоран Заев рече дека не постојат причини, ниту потреба за одложување на предвремените парламентарни избори кои се закажани за 12 април догодина. 

Во однос на нашето членство во НАТО, премиерот истакна дека очекуванајдоцна до јануари шпанската влада да биде формирана , а земјата да го ратификува Протоколот за нашето членство во НАТО.

-Ова го кажувам транспарентно за да не останат дилеми дека постои каква било аргументација за одложување на изборите. А зошто е ова важно, за да можат компаниите, коморите и граѓаните да си прават планови, рече Заев.

Заев најави дека најверојатно вочетврток ќе ги има првите координации во СДСМ, а потоа и во коалицијата за да бидат донесени одлуките за техничката влада.

Се споменуваат имиња кои се многу логични, како што посочи, за министрите Спасовски и Царовска заради тоа што тие заминуваат од министерствата.

– И ние се движиме во тој делокруг, некогаш во политичките раководска се јавуваат и предлози за некој од надвор, сакаме да ги разгледаме и да ја донесеме одлуката, рече премиерот