Премиерот Зоран Заев треба да се појави како сведок на наредното рочиште за случајот „Таргет и Тврдина“, кое е закажано за 24 октомври.

Заев ќе треба да сведочи за своите сознанија за нелегалното прислушување во УБК, по барање на Обвинителството.

Денеска во судница сведочеше неговиот советник за безбедност, Зоран Верушевски каде во изјави дека поранешниот премиер Никола Груевски е виновен за скандалот со прислушкување, а не Сашо Мијалков.

Откако на минатото рочиште предизвика недоумици во јавноста со ставот дека документацијата од прислушкуваните разговори „доживеала стравотна модификација и компромитирање“ по неговото лишување од слобода, Верушевски во судницата избегнуваше директно да одговори на прашањата на обвинителството, додека одбраната на Мијалков се откажа од тоа право. За „модифијацијата и компромитирањето“ исто така ги обвини Груевски и двајцата избегани разузнавачи на УБК.
Единствено конкретен, Верушевски беше во однос на вината за прислушкувањето.

„Тројца луѓе, по мое длабоко убедување, се фокусот на креацијата на оваа документација, тројцата се избегани од државата и врз база на таа документација добиваат третман во државите каде што се избегани“, рече Верушевски пред судот.

За потсетување, случајот „Тврдина“, е поврзан со нелеганото прислушување на УБК, односно уништување на системи за прислушување во 2015 година со цел прикривање кој ја користел опремата за прислушувањето.

Осомничени се двајца вработени во УБК, од кои едниот е началникот на Петтата управа, Горан Грујоски, како и тогашната министерка за внатрешни работи, Гордана Јанкулоска, кои потпомогнати од трето лице уништиле два системи за прислушување. Ова се случило во 2015 година веднаш после спогодбената пресуда за Ѕвонко Костовски во случајот „Пуч“.

Осомничено е и четврто лице за злоупотреба на службената положба, а петтоосомничената фалсификувала документи на кои им ставала датуми од 2014 година, иако тие биле од 2015 и 2016 година. Таа од претходно има шест кривични дела поврзани со фалсификување документи.