Полицијата го разрешува  убиството кое се случи вчера во тетовското село Прељубиште.

49-годишниот С.Р заработи притвор од триесет дена од тетовското село Јанчиште, осмничен за убиството на холанѓанскиот државјанин 59-годишниот Јос. М кој бил сопственик на расадникот „Еуроплантс“ во тетовското село Прељубиште информираат од Секторот за Внатрешни работи Тетово.

Како што стои во соопштението на полицијата, по убиството С.Р. кој би вработен во расадникот бил лишен од слобода, а по извршениот увид и разговор со него во полициска станица, СВР Тетово до обвинителството достави кривична пријава за убиство.

-Со соодветен поднесок во Основен суд Тетово, осомничениот е изведен пред судија во претходна постапка кој му одредил мерка притвор од времетрање од 30 денови, соопшти денеска СВР Тетово.

Полицијата за време на увидот на местото на настанот обавала разговор со вработените, според нивните информации на убиството му претходела расправија и физичка пресметка, нервозниот С.Р земал камен и неколку пати удрил по сопственикот на расадникот по што и го усмртел. 

49-годишниот Јос М.  пред десет години започнал како концесионер на имотот на агрокомбинатот Борец ја започнал работата на расадникот.

Овој расадник  „Еуроплантс“  има  површина од 375 хектари и се одгледуваат разни декоративни и украсни дрвца кои се продаваат низ целиот свет.