Зошто да конзумирате калинки- овошје со лековита моќ

Во овој период особено е застапена калинката.

Фото/Текст извор: ©магазин.мк

Калинка која е листопадна овошна грмушка или мало дрво од семејството на врбиците висока од 5 до 8 м. Во Македонија калинката е особено застапена и најмногу расте во југоисточните краишта со влијание на средоземноморската клима, посебно во Валандовско, Дојранско, Гевгелиско.

Во овој период особено е застапена калинката.

Се верува дека оваа широко распространета билка може да го запре времето, а нејзините зрна се сметаат како симбол на плодноста.

Црвените зрна на калинката ја добиваат својата убава боја од полифенолите, кои се моќни антиоксиданси.

Истражувањата покажале дека калинката штити од дијабетес, а поради антиоксидансите што ги содржи, е добар сојузник против стареењето. Маслото од калинка ја враќа еластичноста на кожата, и помага против егзема, псоријаза или изгореници од сонце. Исто така калинката е одличен лек во менопаузата и климаксот.

Покрај високите количини на витамин Ц, калинката содржи и неколку витамини од Б групата, како и неколку важни антиоксиданси.

Ова овошје содржи и минерали како калциум, бакар и манган, како и витамин К и пантотенска кисела.

Нутриционистите советуваат калинките да се консумираат свежи, иако можете да ги внесувате и во облик на свежо цеден сок.

Плодот во својот состав содржи и висок процент на растителни влакна. Бројни истражувања покажуваат дека содржи повеќе антиоксиданти и од црвеното вино, сокот од грозје и зелениот чај.

Калинката е едно од најстарите овошја познати на човекот. За нејзината употреба постојат записи во повеќе култури и религии, во кои калинката била почитувана како симбол на здравјето, плодноста и вечниот живот. Исто така, постојат повеќе студии кои го потврдуваат благотворното дејство на калинката врз кардиоваскуларниот и нервниот систем, како и врз коските. Тоа произлегува оттаму што калинката е богат извор на витамин Б5, калиум, алагитанин и флавоноиди. Исто така, 100 грама калинка содржат 16% од препорачаната дневна доза на витаминот Ц. Понатаму, калинката содржи фитохемикалии кои го поттикнуваат создавањето серотонин и естроген во организмот. Според клиничките испитувања, материите што ги содржи само калинката – пуницалагините – влијаат поволно врз срцето и крвните садови. Маслото од калинка има естрогенски, антивоспалителни и антимикробни својства бидејќи содржи пуницинична и елагична киселина.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.