Денеска италијанскиот премиер, Џузепе Конте рече дека мерките за спречување на епидемијата на коронавирус во Италија наскоро ќе дадат резултати. Тој во своето обраќање упати пофалби за работата на здравствената служба во земјата.

– Убеден сум дека ќе имаме ефект во наредните денови, истакна Конте пред новинарите, додавајќи дека здравствената служба на Италија е меѓу најригорозните и најефикасните во светот.

Џузепе Конте потенцираше и дека Италија е безбедна земја за туризам и покрај избувнувањето на епидемијата.

– Италија е безбедна земја за патувања и туризам, можеби побезбедна од многу други, рече Конте.

Во Италија досега се пријавени повеќе од 280 пациенти со коронавирус и седум смртни случаи.

На социјалните мрежи можеа да се забележат и многу фотографии од празни супер маркет, кои покажуваат дека луѓето исплашени од коронавирусот за да не излегуваат од своите домови, купуваат на големо.