Јордан Камчев денеска рече дека на обвинителната клупа не треба да седат само Боки и Катица, туку треба да има и други луѓе, но дека тоа не е негова работа, пишува ТВ21.
„Ќе потврдам, дека во исказот што го слушнавме на Стефанова и Чифлиганец, дека немало средба, средбата е одржана во стан во зградата кај што живее Стефанова, во стан, и тука е разговарано. Тоа лично ми го кажал Чифлиганец. И не се само овие луѓе, тука на обинителка клупа треба да има и други луѓе, но тоа не е моја работа“, рече Камчев.
Бизнисменот во судницата посочи дека се му било јасно кога дознал дека е под ПИ мерки и вели дека тоа му го кажа адвокатот Васил Димишков кој од него побара 100.000 евра ако сака да соработува со ОЈО.
– Тој ми велеше како да сме на пазар за секоја услуга која ми ја нудеше, имаше цена. Од моја страна по неколку дена понудата беше одбиена. Тука се двајцата режисери во судница. Од Јовановски добив да соработувам во неколку проекти и да платам за реклама во телевизијата. Во август лани тој стапи во контакт со мене. Јас се согласив за реклама од 50.000 евра, но понудата за него била потценувачка и рекол дека за тие пари тој не разговарал. Во мојата канцеларија дојдоа Боки 13 и Милески да разговараме за фешн молови. Ми покажа некои документи. Го слушав и сфатив дека тоа е нереална приказна. Но, за жал не ја сфатив неговата улога. Локацијата за тој фешн мол требаше да биде спроти “Асиба”. Требаше да платам 4 милиони евра според договорот. Го загледав зачудено. Сакав културно да го откачам. Ми покажа документ во кој беше потпишан синот на Катица Јанева. Три дена подоцна и оваа понуда ја одбив мислејќи дека ја злоупотребува Јанева – рече Камчев.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.