Претседателот на Бугарската партија ВМРО – БНД Красимир Каракачанов тврди дека никогаш не зеле пари за издавање на документи за бугарско државјанство и како залог за тоа го става сопствениот живот.

Каракачанов смета дека секогаш ја бранеле каузата етничките Бугари од Македонија, Молдавија и Украина да добијат државјанство со поедноставена постапка.

Ова е политички напад. Така реков и пред некој ден. Ако се докаже дека сум зел макар и стотинка, на плоштадот ќе се застрелам со пиштолот што го поседувам законски. -изјави Каракачанов.

Во изјавата дадена за медиумите, по обвинувањата на новинарот и политичар Велизар Енчев, кој побара одговорност од него, призна дека предложил да биде уапсен и обвинет за корупција Петар Харалампиев, претседателот на Агенцијата за Бугарите во странство, но и дека тоа можеби би било грешка.

Според него, директорка на Агенцијата за Бугари во странство Катја Матева, која е член на Движењето за правата и слободите, е разрешена од Министерството за правда поради запирање на државјанството за етничките Бугари со приоритет на издавање на државјанство на турски државјани.

Таа доброволно ги суспендира датотеките. Од 2016 година има истрага за тоа, но потоа на САНС (Државна агенција за национална сигурност) му е забранет пристапот до класифицирани информации. Нејзината политика беше да ги спречи Македонците да добијат бугарско државјанство и да им дозволат на турските граѓани да станат бугарски. Нејзината политика беше национално предавство. – рече Каракачанов.

Според претседателот на бугарското ВМРО – БНД, до криминалот со продавање на документи за државјанство дошло токму поради фактот дека Матева ја комплицирала процедурата за државјанство на етнички Бугари.

Каракачанов е актуелен министер за одбрана и вицепремиер во владата на Бојко Борисов, кој упорно негира постоење на Македонска нација и Македонски јазик и писмо.