Специјалната јавна обвинителка во заминување, Катица Јанева во вторник на 20 ти август е повикана на распит за случајот „Рекет“, потврдија за МИА од Основното јавно обвинителство за гонење организиран криминал и корупција.
Денеска беше одложено сведочењето на обвинителот Бурим Рустем од СЈО, за случајот „Рекет“ поради денешното рочиште за предметот „ТНТ“ каде тој го застапува обвинението.
Распитот на Рустем ќе се одвива утре. Рустеми за МИА потврди дека исказ за „Рекет“ ќе даде утре во 12:30 часот.
Во Обвинителството за организиран криминал од почетокот на неделава искази за случајот „Рекет“ дадоа специјалните обвинителки Лиле Стефанова и Елизабета Јосифовска.
За потсетување, во видео и аудио снимките кои италијанскиот весник Ла Верита ги објави јавно, беа споменати имињата на обвинителката Лиле Стефановска заедно со нејзината шефица Катица Јанева. Се верува дека Јанева и Стефанова биле вмешани во случаите „Рекет“ и „Империја“.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.