Српските медиуми секојдневно објавуваат нови информации за првоосомничениот Боки 13 за случајот Рекет, па оттука се поставува прашањето како успеваат да дојдат до информации кога 13 ка е изолиран и е во притвор во Шутка?

Дали всушност Боки 13 ги користи српските медиуми како алатка за упатување на закани кон македонски, но и странски политичари, но оттука се поставува и прашањето кој е линкот од кој пристигнуваат наводни информации кои се објавуваат во српските портали и весници?

Во денешното викенд издание на српски телеграф на насловната страна како ударна вест стои дека во телефонот на Боки се пронајдени пишани пораки и експлицитни фотографии од српски политичар, кој доаѓал во Скопје за интимни дружби со него, а пак на насловната страница е испишан наслов со големи букви : Боки 13ка оргијал со политичар од Србија.

Освен во српски Телеграф, минатата недела Боки се појави и на насловните страници на Информер, Курир, на порталите ало.рс , република.рс а токму од српските медиуми беше обајвено дека наводно Боки се заканил дека ако му фали влакно од косата ќе падне Владата на Заев, и дека сите докази се кај неговата мајка. Боки наводно се заканил дека доколку не го пуштат од притвор, ќе објавел информации како краделе Заев и Харадинај, но и дека поранешниот екс менаџер, а сега советник на Заев, Зоран Башановиќ е замешан во случајот Рекет.

Останува отворено прашањето, зошто со толкав интензитет српските медиуми пишуваат за Боки 13ка и кој е линкот кој ги пренесува наводните инфомации од Шутка?