Македонската полицијата денес спровела оперативно-тактички мерки и претреси на неколку локации поврзани со потенцијални планови и намери за извршување на терористички акт на територијата на нашата држава од страна на припадници на радикални структури поддржувачи на ИСИС.
» Министерството за внатрешни работи по претходно разменети оперативни сознанија со партнерска земја, во врска со потенцијални планови и намери за извршување на терористички акт на територијата на Република Северна Македонија од страна на припадници на радикални структури поддржувачи на ИСИС, спроведе оперативно-тактички мерки со цел идентификација на можните организатори, логистичари и потенцијалните извршители на нападот. Со цел попречување на терористичкиот напад и остварување на превентивната функција, Министерството за внатрешни работи изготви план на мерки и активности, за што обезбеди соодветни наредби за нивно спроведување, информираат од МВР.
По добиените наредби на неколку локации на територијата на државата извршени се претреси при што се одземени предмети и уреди кои се поврзани со можниот напад известуваат од македонската полиција.
Од МВР информираат дека продолжуваат да спроведуваат дејствија, мерки и активности со кои се работи на осигурување на безбедноста на граѓаните
Најголемата цел на ИСИС е глобален калифат, кој ќе се постигне преку глобална војна. Тоа е желба за проширување на териториите и надвор од Блискиот Исток, вклучувајќи ги и Европа и САД. Глобалната војна во пропагандата на ИСИС е наречена „војна против неверниците“.
Нивната пропаганда се потпира на различни толкувања на Коранот и на други верски текстови, а притоа користат трикови за да ги убедат следбениците дека она што тие го сакаат навистина е изводливо.
ИСИС често го користи своето онлајн-списание Дабик, во кое ги изнесува своите визии. Името на списанието не е случајно – Дабик е град во северна Сирија во моментов под контрола на ИСИС, каде што, според едно исламско пророштво, армиите на Рим ќе се соберат за да се соочат со армиите на исламот.
Пророштвата се клучни за ИСИС. Токму од нив произлегува и верувањето дека исламските армии се тие што на крај ќе ги освојат Ерусалим и Рим.
Идеолозите на ИСИС постојано го цитираат Коранот во оформувањето на визиите на групата. Не ги интересира тоа што мнозинството муслимани – дури и мнозинството џихадисти – го гледаат нивното толкување на Коранот како манипулација и искривување.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.