Македонското знаме е симнато од јарболот во Струга, а претходно тоа се случи во повеќе градови и општини низ Македонија.
Јарболот на кој стоеше државното знаме се наоѓа во кругот на МВР Струга.
Празни се јарболите и на Водно во Скопје, во Охрид, во Неготино, Струга и во повеќе други општини. На патот кон Охрид се веат албански знамиња, и во општините каде што поголем дел од населението се Албанци.
Македонското знаме беше отстрането и од Струга, но ова не е прв случај. Инаку на денот на албанското знаме, Струга беше преплавена од албански знамиња, а македонското државно знаме никаде не беше поставено, што предизвика бурни реакции кај ВМРО, но власта и во тој случај не реагираше.
Истата глетка беше и во Тетово, Гостивар,Кичево, а за 8 септември, големиот државен празник Илинден, и за останатите државни празници во овие градови воопшто не се поставува македонско знаме на јарболите иако тоа е предвидено со Закон.
Ваква случка минатата година имаше и во Долнени, од каде беше симнато Македонското знаме, од јарболот пред општината,а јарболите на кои се вееа Македонски знамиња низ државата веќе подолго време намерно се уништуваат, или пак се вадат знамињата, а нови не се поставуваат. Од Долнени тогаш реагираа дека Градоначалниците на СДСМ одат дотаму што со бела боја ги прекриваат и Македонските обележја на државните институции и јавни места.
Но за жал ваква е и состојбата во скопски Чаир, каде исто така за ниту еден државен празник не е поставено државно знаме.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.