Маја Трпковска, мајката на убиениот Пино, денеска беше повикана на распит во обвинителството во Скопје. Во изјава за медиумите, Трпковска додаде дека досега немала добро искуство со припадниците на полицијата, велејќи дека и спуштале слушалка и и го блокирале телефонот кога ги барала за информации.

Мајката на убиениот Пино, Маја Трпковска денеска беше во обвинителството, во изјава за медиумите рече дека ќе се бори за доживотна казна за убијците на Пино и дека тие не треба да излезат од затвор никогаш.

Убиениот Пино на 11 декември 2018 година беше пријавен како исчезнат од страна на неговата мајка. На 29 април оваа година, човек пријавил во полиција дека на место викано Башинец, пронајден е човечки скелет кој бил затрпан со камења. Еден месец покасно, полицијата се изјасни дека го утврдиле идентитетот на Пино.

Мајката на убиениот Пино, изјави дека дека е задоволна од секторот за крвни деликти при МВР, но дека е премногу разочарана од секторот за исчезнати лица.

Според мене не треба ни да постојат, не се професионални. Како можеа овие од крвни деликти за неколку дена се да откријат. Уште тогаш на вработените во секторот за исчезнати им реков, видете ја локацијата на телефонот. Земаат државна плата, а се неспособни да работат. Ангела кога ја ставија на полиграф ми велеа „девојчето е мирно“. Се виде колку е мирно – изјави Маја Трпкоска.

-Ќе се борам за доживотна казна, тие не треба да излезат веќе никогаш од затвор. Како може човечки ум, нарочито на девојка од 22 години, да размислува така, да убие свој другар и шест месеци да си нема гајле, да си спие, да си шета. Тоа е нечовечки, таа е монструм. Среќа што не постои во Европа смртна казна, да бевме во Америка ќе добиеше смртна казна – се изјасни Трпковска денеска, откако даде исказ во Јавното обвинителство во Скопје.

Погледнете го целото интервју од мајката на убиениот Пино.