Најголемата балканска ѕвезда Здравко Чолиќ допатува во Скопје, каде го најави престојниот голем спектакуларен концерт кој ќе се одржи на Градскиот Стадион на 15 – ти јуни.

Тој ексклузивно за македонскиот портал Курир изјави дека Скопје му е многу драго место, град кој го поврзува со многу спомени и драги пријатели , но  позитивната енергија која македонската публика  му ја дава е една и од големите причини што тој повторно се враќа во Македонија.

Тој зборуваше за македонската традиција, посочувајќи колку ја сака македонската песна, македонската храна.

Здравко Чолиќ важи за една од најголемите, а можеби и најголемата музичка легенда од времето на СФРЈ. Со неговите хитови „Пусти, пусти моду“ , „Писаќу јој писма дуга“ , „Мало појачај радио“ и други, ги натера неговите обожаватели да се внесат во тој свет на музиката на Чолиќ. Со неговите концерти низ цела Југославија создаде вртоглавица кај неговите обожавателки. Денес Здравко Чолиќ, по паузата за време на војните во регионов, повторно ја потсетува неговата публика на старите хитови, а создава и нови. Настапува по цела година и насекаде: Србија, БиХ, Хрватска, Словенија, Македонија, Црна Гора, Австрија, Швајцарија, САД, Канада… Еден од неговите најголеми концерти беше во 2007 на стадионот Маракана во Белград каде собра неколку десетици илјади публика, а концертот го заврши со песната „Пјесмо моја“ и спектакуларен огномет над Белград.