Стево Пендаровски е претседател избран на кредит, даден од група на политичари, кој кредит ќе треба да го враќа премиерот Заев, во кого Пендаровски изјави дека верува 102,5%.
За Пендаровски да биде претседател гласаа и дел од граѓаните кои имаат високи очекувања за подобар живот, но да не заборавиме дека огромен број на граѓани воопшто не гласаа за Пендаровски или дадоа доверба на други кандидати, а и нив ќе треба да ги претставува. Сметам дека кредитот и високите хипотеки кон политичарите кои го направија Пендаровски претседател на Македонија, за жал, ќе ги платат со разочарување граѓаните кои имаат очекување за подобар живот и подобар економски развој од власта.
»Како и да е, од денес па натаму, СДСМ и ДУИ имаат апсолутна власт и во Собранието, и во општините, и со претседателот на државата, а тоа значи и апсолутна одговорност за исполнување на дадените ветувања, за живот за сите во Македонија. Апсолутната власт понекогаш значи и апсолутна корупција, но времето ќе покаже што ќе се случува и на тој план. Но, фактурите за изборот на Пендаровски сигурно ќе стигнат од одредена група на политичари и ќе мора да бидат подмирени, веројатно во текот на следниве 7-8 месеци, а на сметка на државата, владата и институциите.
Во секокј случај, му пожелувам успешен мандат, изјави пратеникот Милошоски во Собранието по инаугурацијата на новиот претседател Стево Пендаровски.
Отсуството на премиерот Зоран Заев од инаугурацијата го оцени како ,,чуден и невообичаен сигнал”, надвор од сите државни протоколи, бидејќи немал неодложни обврски и отсуството не е заради посериозни здравствени проблеми, но рече дека после ден – два може да видиме или да дознаеме кое е објаснувањето за отсуството на Заев од овој настан.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.