Потсекретарот на ВМРО-ДПМНЕ Кире Михаилов се огласи на Фејсбук откако голем дел од јавноста ја обвини нашата дијаспора за резултатот на пејачката Тамара Тодевска на Евровизија. Нашите иселеници од дијаспората се најдоа на мета критики и беа обвинети дека поради нив Тамара изгубила на Евровизија.

Кире Михаилов потсекретарот на ВМРО-ДПМНЕ, констатираше дека нашите иселеници се херои кои храбро и одважно тргнаа да бараат опстанок во туѓа земја. 

Браќа, сестри, роднини , комшии пријатели и останати, сите оние кои во изминативе триесетина години поттиснати од потребата, притиснати од тешкотијата со по една торба на рамо заминавте на сите страни по белиот свет и денеска вие сте таа дијаспора.

Вие за кои нашата заедничка и единствена Татковина, Македонија не успеа да ви овозможи начин, да ви даде леб, да ви најде опстанок се одваживте и пресмело тргнавте по целиот свет и вие станавте таа дијаспора…

И сега вие сте биле криви што Тамара која пееше за некоја северна Македонија која вие, а бога ми и јас не ја познаваме сте биле вакви, сте биле онакви, да, вие, токму таа дијаспора, напиша Кире Михаилов потсекретарот на ВМРО-ДПМНЕ обраќајќи се со емотивни зборови кон дијаспората и нашите иселеници кои се далеку по светот.